الائچی ایک ایسی چیز ہے جو ہر قسم کے کھانوں میں استعمال ہوتی ہے کیونکہ الائچی کے فوائد، خوشبو میٹھی اور مصالیدار دونوں پکوانوں میں ذائقہ بڑھاتی ہے۔
این ڈی ٹی وی کی ویب سائٹ پر شائع رپورٹ کے مطابق الائچی کا استعمال نہ صرف کھانے میں ذائقہ بڑھانے کے لیے کیا جاتا ہے بلکہ اس کا استعمال آپ کی ذہنی اور جسمانی حالت پر بھی خوشگوار اثرات مرتب کرتا ہے۔
الائچی کے فوائد
نظام ہاضمہ کو بہتر کرتا ہے
الائچی میں قدرتی اجزاء ہوتے ہیں جو انسانی جسم کو ہاضمے کے مسائل جیسے معدے کے درد، گیس یا پیٹ کے درد سے نمٹنے میں مدد دیتے ہیں۔
سانس کو تروتازہ کرتا ہے
الائچی میں بیج چبانے سے آپ کی سانس تازہ ہو جاتی ہے، سانس کی بو کم ہوتی ہے اور آپ کے منہ کو اچھا محسوس ہوتا ہے۔
بیماریوں کے اثرات کو کم کرتا ہے
الائچی کے استعمال کا ایک اور فائدہ یہ ہے کہ یہ دمہ اور ہڈیوں کی بیماریوں کے اثرات کو کم کرتی ہے۔
خون کی گردش کو بہتر بناتا ہے
الائچی خون کو پتلا کرنے والی قدرتی چیز ہے جو جسم میں خون کی روانی کو بہتر بناتی ہے۔ الائچی کا استعمال جسم میں خون جمنے سے روکتا ہے، یہ ہارٹ اٹیک کے امکانات کو کم کرتا ہے اور دل کی مزید بیماریوں سے بھی بچاتا ہے۔
جسم میں زہریلے مادوں کو کنٹرول کرتا ہے
الائچی کا استعمال گردوں کے لیے بھی فائدہ مند ہے۔ اس کے اثرات نہ صرف جسم میں موجود کیمیکلز کو کنٹرول میں رکھتے ہیں بلکہ جسم کو توانائی بھی فراہم کرتے ہیں۔
یہ بھی پڑھیں: آلو بخارے کے شربت کے حیران کن فوائد
بلڈ پریشر کو کنٹرول کرتا ہے
الائچی کا روزانہ استعمال بلڈ پریشر کو بھی کنٹرول میں رکھتا ہے جس سے دل کی بیماریوں کا خطرہ کم ہوتا ہے۔
جسم کے خلیوں کو توانائی بخشتا ہے
الائچی کے اجزاء آپ کے جسم کے خلیوں کو توانائی بخشتے ہیں اور انہیں تباہی سے بچاتے ہیں۔ یہ کینسر جیسی بیماریوں کے خطرے کو بھی کم کرتا ہے اور عمر بڑھنے والی بیماریوں کو روک سکتا ہے۔
ذہنی سکون الائچی کے فوائد
الائچی کو برسوں سے ایک دوا کے طور پر بھی استعمال کیا جا رہا ہے جو نہ صرف آپ کی دماغی صحت کو بہتر بناتی ہے بلکہ ذہنی تھکاوٹ سے بھی بچاتی ہے۔
جراثیم سے لڑنے میں مدد کرتا ہے
الائچی کی ایک اور خاصیت یہ ہے کہ یہ آپ کو خطرناک جراثیم اور وائرس سے لڑنے میں مدد دیتی ہے اور آپ کی قوت مدافعت کو بڑھاتی ہے۔
