بروک لیسنر اور رومن رینز کے درمیان کئی میچ کھیلے جا چکے ہیں،لیکن یہ میچ شاید دونوں ریسلرز کے درمیان ہونے والے مقابلوں میں سے سب سے بہترین میچ ہو گا کیونکہ یہ میچ دونوں بٹرے ناموں کا آپس میں پہلا میچ تھا اور ڈبلیو ڈبلیو ای فینز اس میچ سے قبل اس میچ کے لیے بہت پرامید تھے کہ انہیں ایک بہت اچھا میچ دیکھنے کو ملے گا اور میچ ڈبلیو ڈبلیو ای فینز کی توقعات کے مطابق ہی ہوا۔
بروک لیسنر کو میچ سے پہلے فیورٹ قرار دیا جا رہا تھا اور اس کی وجہ ان کے ریٹرن کے بعد ان کی کارکردگی تھی انہوں نے اپنے ریٹرن کے بعد جان سینا، انڈرٹیکر، ٹرپل ایچ اور سی ایم پنک جیسے بڑے ناموں کو شکست دی تھی اور اس وقت انہیں ریسلنگ کے بڑے مینجر اور ان کے ایڈوکیٹ پال ہیمن کا ساتھ بھی حاصل تھا۔ اس میچ میں ریسلمنیا کی تاریخ کا سب سے دلچسپ اور سنسنی خیز ٹوسٹ بھی دیکھنے کو آیا جب سیتھ رالنز نے اپنا منی ان دی بینک کنٹریکٹ کو کیش ان کیا اور میچ کا حصہ بن گئے۔ یہ میچ ڈبلیو ڈبلیو ای فینز کو آج بھی یاد ہے اور فینز اس میچ کو پسند کرتے ہیں۔
